Zeruertz lirikoak

Erakusketa

Pierre Gauthier Dubédat: Azken margolanak

Pierre Gauthier-Dubédat (Bordele, 1938) pintorea, zizelkaria eta grabatzailea da; haur denbora Baionan iragan zuen eta adoleszentzia Versailles-en, 1955ean Pariseko Arte Ederren Goi Eskola Nazionalean sartu aitzin.

Damas-eko Unibertsitateko Arte Ederren Fakultateko irakasle izan zen, bai eta bibliofilia liburuak egiten dituen argitaletxe bateko zuzendari ere, Madrilen. Haren pintura abstrakzio lirikoaren mugimenduan sartzen da.

1995ean Bidaxunera bizitzera itzuli ondotik, Pilar bere emaztearekin, Donibane Garaziko Zitadelako karrikako etxe zahar batean plantatu berri da; han du bere lantegia.

Erakusketa uztailaren 22tik abuztuaren 8ra egunero irekita egongo da,

10:30etatik 19:00etara - Sarrera doan

Le Sentier Poétique

Erakusketa

Erakusketa honek bertako bi artisten lanak aurkezten ditu: Miren Laxague eta Mauricette Stévenot.

Miren Laxague Aiziritzekoa da. Arte Ederrak Pauen eta Nantesen ikasi zituen eta orain Angelun bizi da. Akrilikoa erabiltzen du olerkiez ilustratzen dituen pintura koloretsuak sortzeko.

Mauricette Stévenot Baionarra da. Bere pinturak akrilikoz eta beste material batzuez (artilea, soka, etab.) osatzen ditu.

Bi artista horiek beren “bidexka poetikoa” bisitatzera gonbidatzen gaituzte. Bisitari guztiei itxaropena eta askatasuna eman nahi dizkien ibilbide poetikoa da, aldaketa sakonak eta ziurgabetasunak gertatzen diren garai honetan... Pinturak eta buztinak dira. Horien artean, Mexikon, Markos komandanteak argitaratu zituen maien ipuinetan oinarritzen den "Tou-Min-Txa-Su" herria, jainkoen jatorrizko herria ezagutuko dugu.. Horrekin batera, guztien kontsolarako, artistek quitapenas, penen kentzeko zuhaitz bat jarriko dute. Azkenean, Miren Laxaguek "La maison sans toi(t)" olerki liburu ilustratua aurkeztuko digu.

Estreinaldia, uztailaren 8an, ostiralez, izanen da, arratsaldeko 6etan.