Erakusketa
Erakusketa honetan, Josette Dacostak kolore eta mugimendu zirraragarriz betea den margolan serie berri bat presentatzen digu, lehenagoko garaietako obra hautatu batzuez lagundurik.
Erakusketaren izenburua "Asmakari eta Aldaketak" da, Edward Elgar musikagile ingelesak egin zuen 15 mugimenduko "Enigma Variations" obra sinfonikoari erreferentzia eginez. Obra hartan, menturara inprobisatu melodia batetik sortu gai batek 14 bariazio edo aldaketako serie bat sorrarazi zuen.
Josette Dacostaren hurbiltzeko manerak, nahiz eta ez hain sistematikoa izan, mentura eta inprobisazioa gisa berean baliatzen ditu.
Estreinaldia: urriaren 8an, ostegunean 18:30etan
Lekua: Apezpikuen Presondegia
Herria: Donibane Garazi
Erakusketa
Itzal aktiboa arte garaikidean interesa duten artisten eta beste pertsonen elkartea da. 2004an sortua, Donibane Garazin du bere egoitza, Nafarroa Behereko hiriburuan.
Erakusketak eta bestelako jarduera artistikoak antolatzen ditu, besteak beste, hiru urtean behin lehiaketa bat Euskal Herrian lan egiten duten artista gazteentzat.
Estreinaldia urriaren 31an izanen da, 18:30etatik goiti. Jiteko HEMENDIK da. Osasun egoera dela-eta babes keinuak zainduz ibiliko gara.
Erakusketa honek euskal lurralde ezberdinetako 15 artista biltzen ditu. Artista horietako batzuk Itzal Aktiboa elkartearen sortzaileak dira, beste batzuk maiz ari dira lanean berarekin eta azken hiruk Itzal Aktiboak sariztatuak dira.
Gonzalo Etxebarria, Josette Dacosta, Felix Anaut, Maritxu Juantorena, Baroja Collet, Zoe Bray, Iñaki Olazabal, Viviane Michel, Aitor Ruiz de Egiño, Veronica Domingo, Bingen De Pedro, Maite Pinto, Keixeta, Zaloa Ipiña eta iF Matxikote.
Lekua: Portalea
Herria: Eibar
Erakusketa
Ingurumena eta ekologia gaiak obren arteko hari bilakatzen direnean.
Izotz Ertzak sailarekin Keixetak (Arroa, 1963) klima aldaketa hartu du ardatz, margolanak eta zeramikak sortuz.
Basajaundereekin iFek ekologiaren arloan kultur aniztasunak duen lekuaz galdekatzen du, margolan eta eskulturen bidez berak ere bai.
Hortaz Keixeta eta iF bi artisten obrak azaroaren 2ra arte ikusgai dituzu, tTok arte lekuan — Restaurant du Labourd (Pélot) ondoan.
Ordutegi honetatik kanpo ere irekia izan daiteke (ziur izan nahiez gero, edo bisita antolatu nahi izanez gero: 06 01 98 00 24)
Sartzea urririk.
Lekua: tTok
Herria: Uztaritze
ItzalAktiboa - Zitadelaren karrika, 22 - 64220 DONIBANE GARAZI
+33671005723
