Nautilus Lanzarotek egonaldi artistiko bat proposatzen du, Itzal aktiboarekin bat eginez

2018ko Ekainaren 27a

Aurten, berriz ere, Sorkuntza Gaztea Arte Garaikidea - Itzal Aktiboa 2018ko sariaren karietara, Nautilus Lanzarotek artista gazte bati bi asteko egonaldi artistikoa proposatuko dio. Egonaldi artistiko hau Lanzaroten iraganen da (Kanaria uharteak).

Itzal aktiboa elkarteak du lehiaketa antolatzen, Euskal Kultur Erakundearekin eta Uharteko (Nafarroa) Arte Garaikideko Zentroarekin partaidetzan. Hautagaitzen aurkezteko azken epea 2018ko uztailaren 15a da.

2 000 euroko sariaz gain, bi artista Uharteko Arte Garaikideko Zentroan gomitatuak izanen dira, egonaldi artistiko baten egiteko, 2019ko urtarrilaren 25etik martxoaren 3ra, eta Nautilus Lanzarotek hirugarren artista bat gomitatuko du egonaldi artistiko baten egitera, sorkuntza artistikoari eskainia dion egoitzan, Lanzaroten.

Nautilus Lanzarote hotel-apartamentu multzo bat da, Lanzaroten. Ahalmen urriko pertsonei, ingurumenaren zaintzeari eta arte garaikideari zuzendua zaie. Badu hamar urte baino gehiago Nautilus Lanzarotek sorkuntza artistikoaren aldeko bere engaiamendua frogatzen duela, urtean hamabost bat artista errezibituz, egonaldi artistikoak egin ditzaten. Laugarren aldia da Nautilus Lanzarotek egonaldi artistikoa proposatzen duela, Itzal aktiboa sariaren karietara.

Lehiaketako finaletarako sailkatuko diren artisten obrak erakusketa kolektibo batean aurkeztuak izanen dira, Donibane Garaziko Apezpikuen Presondegian, 2018ko urrian.

Irati Inorizak eta Natacha Sansozek

2019ko Otsailaren 14a

Irati Inorizak eta Natacha Sansozek, Habitación: Trans-Humus, prozesuan dagoen erakusketa gunean orain arte garatutako lana aurkeztuko dute. Uharte Zentroan egoitza bat egiteko hautatuak izan ziren artistak Itzal Aktiboa Sarian aurkeztu ondoren, sei astez, bestearen praktikarekiko gerturatze bat proposatzen dute, beraien gorputzak espazio publikoarekin harremantzean hasten diren ardurak trukatzeko.

Maite Pintok 2018ko Itzal Aktiboa Saria eskuratu du

2018ko Urriaren 05a

Bilboko Maite Pinto hautatua izan da Itzal Aktiboak antolatzen duen "GazteArtea", sorkuntza garaikidearen saridun gisa, The Kindness of Strangers proiektuari esker. Proiektu horrek Espainiako Gerla Zibilaren denboran Ingalaterrara igorriak izan ziren 4 000 haur errefuxiatuen historia kontatzen du.

ZAZPI FINALISTA ITZAL AKTIBOA LEHIAKETAN

2018ko Irailaren 04a

Zazpi artista, zazpi finalista dira 2018ko Arte Garaikidearen alorreko Sorkuntza Gaztearen « Itzal Aktiboa » sariketaren karietara, beren obrak erakusketa kolektibo batean Donibane Garaziko Apezpikuen Presondegian urrian aurkeztuko dituztenak.

Nafarroako « Huarte » Arte Garaikideko Ekoizpen Zentroko Nerea de Diego ko-zuzendariaren lehendakaritzapean bildu epaimahaiak 34...

SORKUNTZA GAZTEAREN 2018ko ITZAL AKTIBOA SARIA – ARTE GARAIKIDEA

2018ko Otsailaren 22a

Gure elkarteak, berriz ere, Itzal aktiboa sariaren lehiaketa antolatzen du, 2018an, Euskal Kultur Erakundearekin eta Uharteko (Nafarroa) Arte Garaikideko Zentroarekin partaidetzan.

Lehiaketa irekia zaio 40 urte baino gutiago dituen eta Euskal Herrian (zazpi probintziak) bizi den edo Euskal Herriarekilako lotura pertsonal azkarra duen edozein artistari. Saria 2 000 eurokoa izanen da....

Mickaël Vivier artistak
2015eko Itzal aktiboa saria eskuratu du

2015eko Urriaren 05a

Baionako Mickaël Vivier hautatua izan da Itzal Aktiboak antolatzen duen "GazteArtea", sorkuntza garaikidearen saridun bezala.

2000 euroko dirulaguntzak sariztatzen du Euskal Herrian bizi eta lan egiten duen 40 urtez petikako artista gazte bat. 34 hautagai aurkeztu dira Itzal Aktiboa elkarteak antolatzen duen lehiaketa honetarako, Euskal Kultur Erakundearen partaidetzarekin....

Bost artista gazte hautatuak
2015eko Itzal Aktiboa sariaren finalarentzat

2015eko Irailaren 11a

Arte garaikidearen munduan adituak diren pertsonez osaturiko epaimahaiak bost artista hautatu ditu Itzal Aktiboa – Arte Garaikidearen Sorkuntza Gaztearen sariaren finalean parte hartuko dutenak: Grégory Cuquel, María Jiménez Moreno, Cécile Mestelan, Mickaël Vivier eta Eluska Zabalo Monje.

Bost artistek aurkeztuko dituzten obrak Donibane Garaziko...

Veronica Domingo Alonsok
2013ko Itzal Aktiboa Saria eskuratu du

2013ko Urriaren 21a

Pantxoa Etchegoin, epaimahai burua eta Euskal Kultur Erakundeko zuzendariak, Veronica Domingo Alonso sariztatzerakoan, honen "lanaren kalitatea, teknika menperatzea eta, margoa, olerkia eta heldutasunaren lokarri bihurtzen den ikuspegi onirikoa eta poetikoa" azpimarratu ditu.

Veronica Domingo Alonso, 24 urteko Getxotarra (Bizkaia), EHUko Arte Ederretako fakultateko lizentziadunak,...

Itzal Aktiboa Sariaren finalistak

2013ko Irailaren 04a

Euskal Herrian, arte garaikidean famatuak diren 12 pertsonek osaturiko epaimahaiak 2013ko Itzal Aktiboa Saria - Gazte Sorkuntza Garaikidearen finalerako bost artista gazte hautatu ditu. Saria, Euskal Kultur Erakundearen partaidetzarekin antolatua da, Hogei'ta egitarauaren baitan.

Gurekin harremanetan sar


ItzalAktiboa - Zitadelaren karrika, 22 - 64220 DONIBANE GARAZI
+33671005723