Gorputzak mozten eta osatzen: lan dibertigarria ikasgelan

2023ko Uztailaren 27a

Neska gazte baten margolanean, Virginia Santos Itoiz artista iruindarrak haur zehatz bat, baino haurtzaroa irudikatzen duen irudi bat erakutsi nahi izan du.

Beraz, Interneten aurkitutako haurren argazki ezberdinetako elementuak nahastu ditu, berak deitzen duen "Frankenstein" pertsonaia baten egiteko.

Oztibarreko ikastolako ikasleak adibide hortaz inspiratu ziren, koadroaren aurrean lan eginez gelan.

Lehenik, luzeran itsatsitako paper orrietan marraztu zituzten pertsonaiak. Ondoren, orriak moztu zituzten, burua bakarrik atxikiz eta gainerako gorputz atalak ausaz banatuz. Eta, azkenik, zatiak berriz bildu zituzten erretratu konposatu berriak sortzeko.

Hasieran, prozedurak haurrak harritu zituela kontatu digu Mirentxu Lako ikastolako zuzendariak. Ikasleak kezkatuta zeuden, ez baitzekiten euren marrazkien ordez zer lortuko zuten eta pertsonaien gorputzak nola berriz osatuko zituzten.

Baina laster, sartu ziren jokoan. "Harrigarria izan zen haientzat, bainan biziki ludikoa ere," kontatu digu Mirentxuk. "Biziki untsa pasatu genuen."