Maite Pintok 2018ko Itzal Aktiboa Saria eskuratu du

2018ko Urriaren 05a

Bilboko Maite Pinto hautatua izan da Itzal Aktiboak antolatzen duen "GazteArtea", sorkuntza garaikidearen saridun gisa, The Kindness of Strangers proiektuari esker. Proiektu horrek Espainiako Gerla Zibilaren denboran Ingalaterrara igorriak izan ziren 4 000 haur errefuxiatuen historia kontatzen du.

Maite Pinto Logroñon sortua da, 1993an. Arte Ederrak ikasi ditu, Euskal Herriko Unibertsitatean (UPV/EHU) eta gero Ingalaterrako Manchester School of Art eskolan. Han, Masterra eskuratu du. Manchesterren, haur errefuxiatuen historiaren berri ukan du. 1937an, 4000 haur atera ziren Santurtzitik,Habanaitsasontzian, Gerla Zibileko bortizkeriatik ihesi.

Bidaia latza izan zen, 800 pertsonaren hartzeko prestatua zen itsasontzi hortan. Boluntario britainiarrek presaka prestatu kanpaleku batzuetan pasatu aste luze batzuen ondotik, Erresuma Batuko erakunde eta pertsona andana batek beren gain hartu zituzten.

Gerla Zibila bururatu ondoan, haur horietarik batzuk etxera itzuli ziren, baina beste batzuk Ingalaterran gelditu ziren. Esperientzia horrek lotura azkarrak sortu ditu haur horien artean; lotura horiek gaur egun oraino irauten dute.

Lehiaketa honentzat, Maite Pinto artistak proiektu bat aurkeztu du, “The Kindness of Strangers (Kanpotarren adeitasuna)” deitu duena. Euskal Herriko haur horien oroitarazteko sortu den “Association for the UK Basque Children” elkartearen artxiboetan aurkitu argazki batzuetarik abiatuz, aquatinta eta monotipoak sortu ditu: artxibo horretan dauden irudi zahar horiek berreginez, Maite Pintok memoria berri bat sortzen du eta gure gaur egungo testuinguruko errefuxiatuen krisiarekin lotzen du, tintaren absentzien eta presentzien bitartez.

Irudien arima memoria grafikotik haratago doa; haren xedea esperientzian dago, hausnarketa bat sortzeko, non denbora eta toki geografikoaren kontzeptuak alde batera uzten baitira eta behin eta berriro errepikatzen den gertaera historikoan (emigrazioan) arreta jartzen baita.

Maite Pintok grabaduraren teknika ongi menderatzen duela erakutsi du; gainera, gertakari historikoen oroimena eta gaur egun irauten duen egoera bat —munduko errefuxiatuen oraingo krisia— elkarri lotzen jakin du. Epaimahaiari hori gustatu zaio.

2000 eurokoItzal Aktiboadiru-laguntzak Euskal Herrian bizi eta lan egiten duen 40 urtez petikako artista gazte bat sariztatzen du. 34 hautagai aurkeztu diraItzal Aktiboaelkarteak Euskal Kultur Erakundearen eta Uharteko (Nafarroa) Arte Garaikideko Zentroaren partaidetzarekin antolatzen duen lehiaketa honetarako.

ZAZPI FINALISTA ITZAL AKTIBOA LEHIAKETAN

2018ko Irailaren 04a

Zazpi artista, zazpi finalista dira 2018ko Arte Garaikidearen alorreko Sorkuntza Gaztearen « Itzal Aktiboa » sariketaren karietara, beren obrak erakusketa kolektibo batean Donibane Garaziko Apezpikuen Presondegian urrian aurkeztuko dituztenak.

Nafarroako « Huarte » Arte Garaikideko Ekoizpen Zentroko Nerea de Diego ko-zuzendariaren lehendakaritzapean bildu epaimahaiak 34...

SORKUNTZA GAZTEAREN 2018ko ITZAL AKTIBOA SARIA – ARTE GARAIKIDEA

2018ko Otsailaren 22a

Gure elkarteak, berriz ere, Itzal aktiboa sariaren lehiaketa antolatzen du, 2018an, Euskal Kultur Erakundearekin eta Uharteko (Nafarroa) Arte Garaikideko Zentroarekin partaidetzan.

Lehiaketa irekia zaio 40 urte baino gutiago dituen eta Euskal Herrian (zazpi probintziak) bizi den edo Euskal Herriarekilako lotura pertsonal azkarra duen edozein artistari. Saria 2 000 eurokoa izanen da....

Mickaël Vivier artistak
2015eko Itzal aktiboa saria eskuratu du

2015eko Urriaren 05a

Baionako Mickaël Vivier hautatua izan da Itzal Aktiboak antolatzen duen "GazteArtea", sorkuntza garaikidearen saridun bezala.

2000 euroko dirulaguntzak sariztatzen du Euskal Herrian bizi eta lan egiten duen 40 urtez petikako artista gazte bat. 34 hautagai aurkeztu dira Itzal Aktiboa elkarteak antolatzen duen lehiaketa honetarako, Euskal Kultur Erakundearen partaidetzarekin....

Bost artista gazte hautatuak
2015eko Itzal Aktiboa sariaren finalarentzat

2015eko Irailaren 11a

Arte garaikidearen munduan adituak diren pertsonez osaturiko epaimahaiak bost artista hautatu ditu Itzal Aktiboa – Arte Garaikidearen Sorkuntza Gaztearen sariaren finalean parte hartuko dutenak: Grégory Cuquel, María Jiménez Moreno, Cécile Mestelan, Mickaël Vivier eta Eluska Zabalo Monje.

Bost artistek aurkeztuko dituzten obrak Donibane Garaziko...

Veronica Domingo Alonsok
2013ko Itzal Aktiboa Saria eskuratu du

2013ko Urriaren 21a

Pantxoa Etchegoin, epaimahai burua eta Euskal Kultur Erakundeko zuzendariak, Veronica Domingo Alonso sariztatzerakoan, honen "lanaren kalitatea, teknika menperatzea eta, margoa, olerkia eta heldutasunaren lokarri bihurtzen den ikuspegi onirikoa eta poetikoa" azpimarratu ditu.

Veronica Domingo Alonso, 24 urteko Getxotarra (Bizkaia), EHUko Arte Ederretako fakultateko lizentziadunak,...

Gurekin harremanetan sar


ItzalAktiboa - Zitadelaren karrika, 22 - 64220 DONIBANE GARAZI
+33671005723