Nautilus-Lanzarote saria, María Jiménez Moreno-ri eskaini zaio

2015eko Urriaren 03a

Hirugarren aldikotz, Nautilus Lanzarotek Itzal Aktiboa elkartearekin bat egiten du, artista gazteen sustatzeko eta laguntzeko.

Kanarietako Lanzarote uhartean artista egonaldia den Nautilus-Lanzarote saria, María Jiménez Moreno 38 urteko nafartarrari eskaini zaio.

GazteArtea Garazin erakusketan, Objetuario (Taxonomía ilustrada)-Gauzaki multzoa (taxonomia ilustratua) egitasmo grafikoa presentatzen du, zientzialarien lanez inspiraturik, ilustrazioa baliatzen baitzuten espezieen ikertzeko eta sailkatzeko.

Egitasmo hori kolorezko hamaika marrazkiz osatua da, esploratzaileen lanak inspiraturik. Haren gaia María Jiménez Morenoren beraren eskulturak dira.

Nautilus Lanzarotek hotel multzo bat kudeatzen du, Lanzarote uhartean (Kanaria uharteak), ingurumenaren gerizatzeari, ahalmen urriko pertsonak aise sartzeari eta arte garaikidearen sustatzeari bereziki kasu eginez. Nautilus Lanzarote Saria zapi gaueko egonaldia da, hotel multzoan, 2016ko maiatza/ekaina hilabeteetan.

GazteArtea Garazin erakusketa Donibane Garazin iraganen da, azaroaren 1.era.