iF

IF-ek askatasunaren gai unibertsala hartu du ardatz. Ezkutatu beharreko maitasun eta gorputzak loriatzetik (Arrak eta Garrak, 2011) Mundu Librea deitzen zaionaren kontraerranak agerian uzten hasi zen Isilduak seriearekin (2012tik). Mundu Librea dei daiteke gerra oinarri duen ekonomia duena, edota herritarren oinarrizko eskubideak urratzen dituena? Horrela, giza kondizioa lokarri ikusezinekin lotutako gorpu(tz)ekin irudikatu du.

Baina azken isilduek esperantza zerbait ekartzen digute. Kolorea itzuli zaigu indarrez. Mugimendua ageri da, isilduak, batzuk, lotuak izan arren, askatu nahi dutelako, bizirik baitira, bizi nahi dutelako.

Orain, Isilduei lekukoa hartu die Hirisilduak serieak. Hirisilduek askatasunaren alor zehatzago batera garamatzate: lurralde antolaketara, hirigintzara. Mundu bat. Ez. Bi mundu zabaltzen zaizkigu begi aitzinean. Biak kontrajarriak oso: herri bilduak alde batetik (etxe itsatsiak, zerbitzu hurbilak, harreman sozialak, lekuko ekonomia ahalbidetzen dutenak) eta etxetxo barreiatuak bestetik (indibidualismoari gorazarrea, lo guneak, bide itsuak, itxura eta jabetza pribatua, elitismoa, debekuak, ingurumenaren antzutze orokorra). Bigarrena zaigu orokorki eta indarrez inposatzen, lehena garai berrietarako desegokia balitz bezala. Lotura sozialak bakartzearen loturekin, kateekin, ordezkatuak dira. Etxe bakoitza presondegitxoa bilakatzen da bertan bizi denarentzat bezala kanpotik pasatzen denarentzat. Balizko askatasunean beti preso…

Kanaldue herri telebistak egindako erreportaia

2012ko ekainekoa. Aldi huntan Zazpi-k If Matxikote artista margolariaren tailerrerat eramaiten gaitu. Uztaritzen, haren sortherrian plantatu du bere tailerra. Haren ibilbide profesionala, baita ere artistikoa aipatzen dauku If-ek, besteak beste ",arrak eta garrak," polemika sortu zuen erakusketa. Baionako Euskal Museorat eramaiten gaitut ere If-ek, Rafael Zulaika zuzendariarekin eztabaidatzerat. Kliklap,sailean, ",Bost litro," Iban Rusiñol-ek egin filma laburra, Euskararen Gizarte Erakundeen Kontseiluaren ",Euskaraz bizi nahi dut," kanpania kari saristatua izan dena, ikusgai duzue. Jarioan,: Dilin Dalan festibala, Xiberoko maskarada, eta Jazz in College kultur gertakarien zatitxo batzu aurkituko dituzue. Hitzaurrean,: Peio Jorajuria bidarraitar kazetari idazleak Marokon egin bidai batetaz idatzi ",Inifife," izenburuko liburuaren aipamena egiten dauku.